كتبت أميرة السمان
كشف الفنان طارق الدسوقي سبب اعتذاره عن مسلسل العمدة لمحمد رمضان، مؤكدًا أنه يريد أن يشارك في عمل يؤثر على عقليات الناس.
وقال الدسوقي سبب اعتذاره عن المشاركة في مسلسل العمدة بطولة محمد رمضان، إنه عرض عليه عملين السنة اللي فاتت واعتذرت، ومحمد رمضان ممثل جيد شاطر، ومحمد سامي شاطر جيد، الكاست كويس جدًا، لما قرأت المسلسل، وروحت وقعدت مع محمد سامي واتكلمنا، في الحقيقة فيه اختلاف كبير بوجهات النظر، حسسني إن مش هو الدور اللي أرجع بيه للناس، وكل واحد بيبقى ليه وجهة نظره.
وأردف ببساطة شديدة إن وجهة نظره مش المهم إن إحنا نعمل الفن والدراما علشان نسلي الناس مرة نضحكهم نبكيهم، المهم إزاي نسمرهم قدام الشاشة.
واختتم حديثه، قائلًا: معنديش وسيلة لإعادة عقليات الناس ومنظومة القيم والأخلاق غير الدراما، وأي خطبة يقولها الشيخ في الجامع أو القس في الكنيسة مش مؤثرة زي الدراما، أو زي المسلسل الدرامي، الصورة والحدوتة، لإن إحنا كشعب مصري وعربي بنميل لـ ده، وبتأثر على ملايين الناس، وبتأثر أكتر من أي حاجة تانية مباشرة، جاء ذلك خلال حواره ببرنامج كلام الناس.
