كتبت-شيماء عبدالسلام
هاجم عدد من رواد السوشيال ميديا السيناريست تامر حبيب بعد تصريحاته الأخيرة، التى قالها بعد حضوره فرح إحدى أبناء رجال الأعمال بعد جنازة الفنان سمير غانم.
و جائت تغريدات المتابعين كالتالى :”انا مش ضد اللي حضروا الفرح وشايفه انه عادي وفكرة انهم محترموش البنات ووجعهم اقل حاجة هتترد هو ان سواء دنيا او ايمي او غيرهم كنت بشوفهم بيعزوا وبالليل في افراح برضه ؛ بس اللي كاتبه تامر حبيب هنا منتهي قلة الذوق واسلوب غير لائق واستفزني شخصيا”.
و علق آخر:”صدق الل قال إن السكوت من دهب والله”، واضاف أخر:”المؤلف تامر حبيب عن حضور الفرح، أنا موجوع على وفاة الأستاذ سمير غانم، وبالنسبه للفرح اللى حضرناه كان جميل ورقصت وغنيت مع عمرو دياب حد عايز حاجة..الراجل ده غريب جدا”.
و اضاف أخر:”اللي بيعمله تامر حبيب ده عملية تشتيت للدفاع عن يسرا و ان الناس تخف عليها في الانتقاد شوية و تقعد تشتم فيه هو من الاخر بيشيل شوية من الهجوم عليها #تامر_حبيب”.
يذكر أن انتقد السيناريست تامر حبيب تعليقات الجمهور علي ذهاب العديد من الفنانين إحدي الأفراح أمس في ليلة جنازة الراحل الكبير سمير غانم .
حيث قام العديد من الفنانين بالذهاب الي مدينة الجونة لحضور أحد الأفراح بعد إنتهاء مراسم جنازة الفنان سمير غانم .
وكتب تامر حبيب عبر صفحته علي موقع التواصل الإجتماعي “فيسبوك” : “طيب انا فعلا حزين وموجوع علي وفاة الأستاذ سمير غانم ، للأسف مقدرتش أروح الجنازة و الدفنة لأني في الجونة وحصلت ظروف تمنعني أسافر الصبح و أرجع بالليل علشان اروح الفرح ،وللحق الفرح كان جميل وطاقته كانت حلوة ، فرقصت و غنيت مع عمرو دياب و اتصورت مع صحابي .. حد عايز حاجة؟؟”.
شاهد .. تامر حبيب يكتب وصيته لزملاءه عبر فيسبوك
بعد عدم حضوره جنازة الراحل سمير غانم تامر حبيب يثير الجدل عبر فيسبوك
