كتبت أميرة السمان
علق هشام حلمي بكر على وفاة والده الموسيقار الكبير حلمي بكر قائلا : “الوضع صعب جدا أنا جالي الخبر وأنا في طريقي للمطار كنت جاي أنقذ والدي ومع الأسف الشديد فشلت.
وواصل بكر، باكيا ” كنت جاي المطار وقبل مااركب الطيارة بساعة ونصف جالي خبر والدي بدلا من إنقاذه جاي أدفنه أسوأ 28 ساعة عشتهم في حياتي”.
وعن مشاعره أثناء الرحلة : فكرت في كل الحاجات الحلوة اللي كنا بنعملها لانه كان في كتير حلو الناس مش مقدرة الناس عاوزة تحكم عليا وعلى ابويا وإحنا كنا راضين بعلاقتنا ببعض وقال هو كنا بنحترم بعضنا البعض أنا فعلا أبويا عندي عصبيته وإحنا متقلبين بعض وعشنا طول حياتنا متقبلين بعض طول رحلة الطائرة تذكرت كل الحاجات الحلوة وأنا صغير وباخد العود وأعمل نفسي بلحن مكملا : كنا نروح نجيب الجرايد من محطة مصر ويصحيني من ورا أمي وكنا ننزل كان بيحب يقرأ كل جورنال ومجلة في مصر الأيام دي إنتهت.
وواصل، عندي أولادي الثلاثة متأثرين جدا وأنا على الطائرة كانت مشاعري بعيط وزعلان وكل حاجة في نفس الوقت وراكب طيارة وخايف تفوتني أخبار وأنا على متن الطائرة بعت لاولادي رسالة وقلتلهم أنا أسف على جروب ” العائلة ” معلش إفرتكوا الأيام دي وقد إيه العيلة مهمة وقد إيه لازم نفضل قريبين من بعض وأن الاي أنا بعمله ايا! كان عاوزكم تتربوا على القيم أننا هنكبر ونحتاجكم وأيا كان فكركم راضين مش راضيين بتحبونا ولا لاء لما نكون عيلة محتاجة بعض لازم نبقى مع بعض ونفسي ابقى قدوة ليكم وأنتم بالمثل بالنسبة لاولادكم “.
وعن علاقته بوالده : ” فيه ناس فاكرة أن علاقتي بيه كانت سيئة وده محصلش كنا بنتكلم مرة في الشهر أو كل ثلاثة اسابيع واقصى مدة شهرين لم نختلف نهائيا مؤخرا مش زعلنا من بعض لكن زعلنا على بعض كان بيفكر لارملته سحر إنفلصوا ورجعوا عدة مرات ورجعوا وتزوجوا ولما لمته قبل عامين على عودته لها قال لي : ” قالي كل ده علشان أنا بحب ريهام بنتي ومش عايزها تضيع في بيئة غير ملائمة ”
ووجه كلمة لابيه باكيا قائلا : ” أنا اسف كان فيه جيش حاول إنقاذك والله العظيم اصحابك وأحفادك وأبنك وإخواتك وكل عائلتك كانوا جيش إنقاذ لك لكن للاسف ماقدرناش وفشلنا في ذلك ”
وكشف عن مفارقة حدثت قبل أسابيع عندما أحيا حفل عيد إبنته الكبرى الثامن عشر من باب الصدفة وهي أغنية ” إنزل ياجميل على الساحة” التي لحنها للمطرب وليد توفيق قائلا : صدفة من غير تريب الأغنية إشتغلت وقلت لبنتي دي ألحان جدك وقالت لاصحابها وكانت فخورة “، جاء ذلك خلال مداخلة عبر برنامج ” كلمة أخيرة ” الذي تقدمه الاعلامية لميس الحديدي على شاشة ON.
