ياسمين عز للزوجات: «بتروحي لحماتك قبل الفطار بـ 5 دقائق ولمامتك من الفجر»
كتبت أميرة السمان
وجهت الإعلامية ياسمين عز، نصائح للزوجات قبل شهر رمضان المبارك.
وقالت “عز”: “زي ما هتعزمي أهلك لازم تعزمي أهل جوزك فرعونك، وماينفعش تعملي لأهلك رقاق وتعملي لأهل جوزك جلاش، ولو عملتي لأمك فرخة أعملي لحماتك بطة”.
وأضافت: “ياريت نقلل من الفطار والسحور بره البيت لأنها مصاريف على الفاضي، وفرعونك أولى بالفلوس في الظروف دي، مش لازم تنزلي تطلبي 20 سندوتش وهو يدفع”.
وتابعت: “الأحسن تقعدي تفطري في البيت مع جوزك، مش لازم تخرجي في رمضان، وبعدين تخرجي تروحي فين وأنتي عندك فرعونك في البيت، هو المنتزة أصلًا، متابعة، عندنا في الدنيا نعمتين هما الراجل والنعمة الثانية الأكل والشرب”.
واختتمت: “شهر رمضان طويل 30 يوم وعايزين نعديه بسلام، وأما تكوني معزومة عند حماتك بتروحي قبل الفطار بـ 5 دقايق، وتقولي ليها أساعدك في حاجة يا حماتي؟، تساعديها في إيه؟، ما هي عملت كل حاجة من بدري، وعند مامتك تروحي من الفجر”، جاء ذلك خلال تقديم حلقة برنامجها “كلام الناس” المذاع عبر قناة “إم بي سي مصر”.
