منوعات

هلا رشدي تكشف تطورات أزمتها الصحية: الغضروف انفجر وأثَّر على العصب

كتب- أحمد عبد العليم

كشفت المطربة والفنانة هلا رشدي، تفاصيل أزمتها الصحية التي عانت منها مؤخرًا، وتسببت في إجرائها جراحة عاجلة.

وقالت هلا رشدي خلال بث مباشر عبر صفحتها الرسمية على فيسبوك: إنها كانت متجهة يوم 14 مايو الماضي إلى إحدى الدول العربية، وفي أثناء هبوطها من الطائرة؛ شعرت بشد عضل شديد في قدمها، واتجهت بعدها إلى الفندق، وهناك اكتشفت أنها تتألم باستمرار، وهذا الألم لا يتوقف.

وأضافت هلا رشدي: عملت مساج وبرضو ما ارتحتش، وبعدين روحت لدكتور من اللي هما سمكرية البني آدمين دول، وبرضو ما فدنيش بحاجة، وبعدين روحت تاني يوم لدكتورة، نفس النظام، قالتلي عندي غضروف على وشك الانفجار، وفضلت تضغط على أماكن معينة في جسمي، وفجأة الألم راح، وقررت أنام بقى، صحيت كنت هموت، رجلي الشمال وقفت، وأخدت ترامادول، ولا سكنّي، ولا عملي دماغ حتى.

وأكملت هلا رشدي، حديثها: قررت أرجع مصر، وقولت أموت في بلدي، كفاية كده، وفعلا رجعت وعملت رنين مغنطيسي، ولقينا الغضروف انفجر، ونزل على العصب الشمال في رجلي، وقبل العملية بيوم؛ ناس كتير كلمتني، وده أكد لي إن ده آخر يوم في عمري.

وواصلت هلا رشدي: لما كنت في غرفة العمليات، أهلي بيشوفوا أخبار كتيرة، زي: وفاة هلا رشدي، وحاجات كتير من كده، بس الحمد لله، ولما صحيت شوفت المحلول اللي فيه الحاجات اللي طلعت مني في العملية؛ عرفت قد إيه البني آدم هين، وماعرفش ليه الناس بتظلم بعضها.

مقالات ذات صلة

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
Ad
Ad