فن وثقافة

هاني عادل لـ” ويجز وشاهين” : “انتوا ممكن تغيروا تفكير جيل كامل “

كتبت – منة وهبه

قال الفنان هاني عادل إنه حاليًا لا يوجد سوى اثنين يقدمان كلاماً مختلفاً في أغاني الراب وهما ويجز وشاهين، مشيرًا إلى أنه يحب الراب ويحب مجهوداتهما ، ويتمني ان تصبح الأغاني هادفة و تناقش مشاكل الجيل الحالي.

ونشر هاني عادل عبر صفحته الرسمية على موقع فيس بوك : “مش متخيل جيل موسيقي كامل مبيتكلمش عن أي حاجة في الأغاني غير إنه جامد وأنا معايا أجمد واحدة وأنا مش فاضيلك وبعمل فلوس في البنك، مفيش دلوقتي إلا اتنين هما اللي بيغنوا كلام مختلف.. ويجز وشاهين بشكركم بجد لأنكم من وقت للتاني بتكسروا الملل”.

وأضاف “عادل”: “يا جماعة أنا بحب الراب سين جدًا ومجهوداتهم صدقوني إنتوا ممكن تغيروا تفكير جيل كامل بيسمعكوا، إتكلموا عن مشاكلهم النفسية يا جماعة مشاكلكم مع الجيل اللي مش فاهمكم، مشاكلكم العاطفية مينفعش يبقي كلكم يعني بتعرفوا واحدة علشان جامدة وبتسيبها أول ما تشوف الأجمد منها، أظن علشان كده أغنية البخت كانت حقيقية لأن أول مرة أسمع إن حد من السين إتسحل ورا واحدة مش عارف هى بتحبوا ولا لا، معندكمش مشاكل؟؟ يعني سقف طموحك إنك تبقي أجمد من مغني تاني ومن أخصامك؟؟ وحتى لو كده أكتر من ١٠٠ مغني راب بيقول نفس الحاجة ده ينفع برضه؟! دا إنتوا أجمد حاجة عندكم الكلام والكتابة أرجوكم اشتغلوا شوية على ده علشان الناس تفضل تسمع”.

واختتم حديثه : “يعني ارجوكم شوية إبهار بالمواضيع بقي مش بس تكنيك الكتابة والقوالة الموضوع حاجة مهمة لو مكانش أهم حاجة، أنا بقول ده علشان بحب أسمعكم ونفسي الناس اللي بتحبكم متبطلش تسمعكم بعد شوية”.

مقالات ذات صلة

زر الذهاب إلى الأعلى
Ad
Ad