الموقعمنوعات

نشوى مصطفى تروي موقفا إنسانيا للفنان هشام سليم مع الراحلة ثريا إبراهيم

كتب- أحمد عبد العليم

روت الفنانة نشوى مصطفى، موقفا إنسانيا للفنان الراحل هشام سليم، مع ممثلة كبيرة في العمر.

كتبت نشوى مصطفى، من خلال حسابها الرسمي على “فيس بوك”: “افتكرت حاجة عن هشام سليم يمكن مش كتير يعرفوها — فى يوم راجعة من التصوير وكان فيها أستاذة ممثلة كبيرة الله يرحمها اسمها ثريا إبراهيم – قالت لى نشوى معنديش عربية توصلينى فى طريقك لأقرب مكان أنزل اخد تاكسى — قلت لها تاكسى إزاي هاوصل حضرتك لباب البيت”.

وتابعت :”واحنا ماشيين قالت لى عارفة الشقة اللي حتوصلينى ليها دى مين جابهالى — قلت لها مين ؟؟ قالت لى شيريهان — وحكت لى انها كانت بتشتغل معاها مسرحية شارع محمد على وكانت بتيجى كل يوم من طنطا للقاهرة وترجع تانى لان بيتها كان هناك ولما شريهان عرفت قالت لها شوفى الشقة اللي تحبيها وانا حاشتريهالك — ولما اشترتها كانت فرحانة اوى”.

كما أضافت: “ ولما هشام عرف بارك لها وقال لها فرشتيها ولا لسه قالت له فرشتها قال لها كان نفسى افرشهالك قالت له وهى بتهزر طيب ما تعمل حاجة تانية قال لها تحت امرك — قالت له نفسى احج — تانى يوم لقت شركة سياحة بتكلمها وبلغتها ان هشام دفع كامل التكلفة وكانت خمسين الف جنيه وكمان وهى رايحة عطاها مصروف الرحلة وقال لها ادعى لى — بس كده — الف رحمة ونور”.

مقالات ذات صلة

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
Ad
Ad