أراء ومقالاتالموقع

نزار سامي يواصل كتابة «المكنز» لـ«الموقع» .. شباب العالم بالبالطو والكوفية

يوم جديد ويوم جميل عليكم مليان طاقة ونشاط وانبساط .. ازيكم عالمين ايه .. عاملين ايه في الجو ده .. بصراحة بحب الجو ده جدا بيدي للواحد إحساس بالنشاط والحركة وتحس فيه بنقاء الجو .. يا ترى بتحسوا ايه في الجو ده .. اخبار اسبوعكم ايه؟ مليان حاجات واحداث اكيد .. عايزيين دايما نبص بالعقلية الإيجابية مش السلبية .. خليكوا فاكرين جه من اهم أسباب نجاح رواد الاعمال .. فاكرين الأسبوع اللي فات لما قولتلكم انه مع بداية السنة الواحد شاف ناس وكانوا “يووو مييد ماي يير” .. فاكرين؟ حاكلمكم عن محمد مجيد .. اهو ده بجد شاب لاقيته بيكلمني .. محمد كنت انا اول واحد يدرسله كومبيوتر .. مش عايز اقةل من كام سنه لاتتخضوا .. محمد دلوقتي يبقى نائب الرئيس التنفيذي للمجلس التصديري للصناعات البلاستيكية .. شكرا يا محمد وكان نفسي نتقابل فيس تو فيس .. تتعوض يا بطل .. فعلا ويبقى الأثر ..

شباب العالم بالبالطو والكوفية .. يا ترى حد جاله الفرصة يتابع احداث منتدى شباب العالم؟ انا الحقيقة ماروحتش السنة دي .. بس طبعا تلامذتي اللي هما بقوا أصدقائي من خريجي البرنامج الرئاسي حقيقي عملين مجهود غير عادي .. ربنا يحميهم يا رب .. افتكروا يا شباب .. افتكروا كويس انه: ويبقى الأثر وان الكنز في الرحلة

شباب العالم بالبالطو والكوفية .. احب اشكر شباب الموقع على التغطية اللحظية لكل الفعاليات بتاعت المنتدي .. شكرا للأستاذ محسن سميكة وكل فريق العمل .. احسنتم يا ابطال

شباب العالم بالبالطو والكوفية .. كنت بسأل أصدقائي اللي راحوا المنتدى يا ترى الجو عندكم عامل ايه .. قالوا غريب اوي .. شمس وهوا وسقعة ودفى .. كل حاجة وعكسها .. بس حقيقي لما كنت باتفرج على الصور بلاقي رواد الاعمال في قمة الشياكة .. بدل .. اناقة .. طبعا خروجات بليل عايزلها البالطو والكوفية .. طبعا لازم يا شباب تكونوا مستعدين ..

شباب العالم بالبالطو والكوفية .. بنقول لما أي جهة .. حتى رواد الاعمال وأصحاب المشروعات الناشئة .. لما يعوزوا يشتغلوا صح .. لازم يعرفوا هما رايحيين على ايه وواقفين فين .. وعلشان نعرف نعمل ده دايما في عندنا حاجة كده اسمها تحليل البيئة الخارجية (External Environmental Analysis) .. فا لازم الشباب يدرسوا كل حاجه رايحيين عليها .. وبالتالي .. من اول درجات الحرارة وحالة الجو لحد اصغر حاجة … ايوه الموضوع مش سهل .. الموضوع مش ليسها يا معلم .. الموضوع علم ..

شباب العالم بالبالطو والكوفية .. في عندنا أدوات كتيره بنعمل بيها تحليل البيئة الخارجية .. زي مثلا PESTEL .. زي نموذج PORTER .. وغيرها من الأدوات .. ممكن نبقى نحكي عنها لو حابين .. بس PESTEL حرف ال E الأخير ده بيتكلم عن ال Environment .. يعني كل حاجة تخص البيئة !! عرفتوا بقى كان لازم تسألوا عن درجات الجو والطقس وكده .. بدل ما نلاقي عم الحاج راح واخد بالطو مش بتاعه او كوفيه مش بتاعته وطالع يتصور بيهم وايه يا ما هنا يا ما هناك .. زيدي يا زيدي على الشياكة .. اللي في تاخده منه احسن منه!!! بقول لرواد الاعمال .. اوى تاخد حاجة مش بتاعتك وأوعى تحاول تعيش في توب مش توبك ولا سن مش سنك ولا تغير من شكلك لان ساعات شكلك بيكون جزء من شخصيتك وهويتك .. اصل الحاجات دي ببتفقس وبيكون شكلك وحش اوي اوي والنتيجة انك بتصغر في عين الناس بس للأسف محدش حايجي يقولك كده .. ماشي يا عم الحاج يا كبير؟

شباب العالم بالبالطو والكوفية .. يا ترى تابعتم الجلسات بتاعت المنتدى .. موضوعات مختلفة .. ريادة الاعمال ليها نصيب كبير في المنتدى .. سواء في الجلسات التحضيرية قبل المنتدى .. او في الشركات الناشئة العارضة او في ورش العمل او الجلسات العامة .. حاجة جميلة ..

شباب العالم بالبالطو والكوفية .. سمعتم التوصيات وقد ايه ريادة الاعمال كانت على الأولويات بتاعت سيادة الرئيس وان إدارة المنتدى تم تكليفها انها تعمل حاضنة عالمية لرواد الاعمال والشركات الناشئة والصناعات الصغيرة .. ايه الجمال ده .. ابتدى فعلا عصر ريادة الاعمال العالمي

شباب العالم بالبالطو والكوفية .. سمعتم التوصيات بتاعت ال COP27 ان إدارة المنتدى حاتنسق علشان مجموعات شبابية من مصر والعالم تشارك في الاعداد لقمة المناخ .. الله على تمكين الشباب المصري والعالمي .. ربنا يحمي شبابنا

شباب العالم بالبالطو والكوفية .. سمعتم ان سيادة الرئيس قرر ان سنة 2022 هي سنة المجتمع المدني .. يعني كل المؤسسات وجمعيات المجتمع المدني المصرية والعالمية تبتدي تنطلق اكتر واكتر علشان حياة كريمة

شباب العالم بالبالطو والكوفية .. يا شباب .. الدنيا مليانه فرص .. الشاطر اللي يعرف يستغلها كويس .. بيل جيتس وستيف جوبز كانوا بيعرفوا يقتنصوا الفرص .. الموضوع محتاج عقلية إيجابية تعرف ترصد او تتنبأ بالأوضاع والتحديات وتحاول تدور على ابسط الحلول من وجهة نظر المستفيدين ..

كل سنة وانتم طيبين .. الجمعة الجاية ان شاء الله عيد ميلاد المكنز .. عدت سنة .. ووراها سنة ان شاء الله ودايما كده مع بعض .. بس محدش يلبس بالطو وكوفية غيره .. خليكم فاكرين .. ويبقى الأثر

اقرأ ايضا للكاتب

نزار سامي يواصل لـ«الموقع» كتابة «المكنز»..قلب واحد

نزار سامي يواصل كتاابة «المكنز» لـ«الموقع» عن الحواشة

نزار سامي يواصل لـ«الموقع» كتابة «المكنز» ..مينتال فليكسبيليتي .. مينتال شيفتنج

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
Ad
Ad