عملاء عامر جروب يحذرون مواطنة من شراء بورتو في عامر جروب: البعد عن الشركة أكبر استثمار واحنا اتخدعنا
بين الحين والآخر، تتعالى أصوات عملاء عامر جروب من الأزمات التي يعانون منها مع الشركة، فيما يتعلق بتسليم والمشروعات للمواطنين، وخدمات ما بعد البيع رغم الدعاية الضخمة للشركة والصيت ولا الغنى.
بسؤال مواطنة عن إمكانية السؤال عن شراء بورتو تابع لشركة عامر جروب، كتبت بسمة حسني: “شراء في بورتو مطروح من عامر جروب لو حد له تجربة لو قسط على ٦سنوات”.
وأنهالت التعليقات من عملاء شركة عامر جروب، الذين تركزت تعليقاتهم على تحذيرات من التعامل مع الشركة، حيث كتب طارق عبد الدايم: “اوعي بورتو محل من ٨ سنين في بورتو كايرو المول مدينة أشباح متعرفش تأجره بعشرة جنيه في الشهر”.
وعلق قاسم علي: “أي مشروع باسم بورتو أو نيوم أو بأبا بورتو أو عامر جروب اهرب واجري نصب واحتيال.. البعد عنهم أكبر استثمار”.
وحذر حازم حازم: “اوعي من بورتو…اهرب عن تجربة مريرة احذر بورتو”، وعلق إسلام عبد اللطيف: “عامر جروب حوارتهم كتير”.
نرشح لك : عملاء «الأهلي صبور» يشكون الاستهتار وسقوط المباني وفقدان خدمة ما بعد البيع
وعلقت ميساء بدران: “أوعى تشتري بورتو عن تجربة نصابيييييين”.
أهرب.. بلاش.. سؤال مواطن يثير ضجة على السوشيال ميديا بسبب عامر جروب
كما أثار سؤال أحد المواطنين عن شركة عامر جروب والدعوة مقدمة منهم له في بورتو السخنة أو شرم بمبلغ رمزي للإسكان على السوشيال ميديا حالة من الجدل، حيث أنهالت التعليقات من المواطنين.
وعلى حسابه على موقع التواصل الاجتماعي “فيس بوك”، جاء سؤال ماركوس أشرف، متضمنا: “حد من شركه عامر جروب كلمني على invitation لبورتو السخنة أو شرم بمبلغ رمزي
مقابل إني أحضر مقر الفرع بتاعهم كأسرة لمدة ساعة حد جرب الموضوع ده.. رأيكم إيه فيه؟”.
وعلق محمد عبد الرحمن أحد رواد “فيس بوك”: “بلاش، الطريقة يتلعب على النفسية جدا، بتعتمد على الزن ثم الزن، هيقعدوك مع سيلز، يقعد يرغي ويزن، لو مامضيتش، يقعدوك مع السوبرفيزر، لو مامضيتش، يقعدوك مع المانجر، وفي حد بيزن عليك، وحد تاني بيزن على مراتك ممكن في ترابيزة تانية، لغاية متقتنع إن العرض ده ميفوتش، وممكن تمضي لا إراديا علشان تخلص منهم، لأتك في اللاوعي هتحس إنك مخطوف، فتروح ماضي علشان تفدي نفسك، ميقدرش يفلفص من الطريقة دي الا الشخص البارد جدا”.
وكتب جلال سمير: “يالهوى ده أسلوب زبالة في عرض المنتج وكل شويه يسقفوا لحد وقع معانا”.
وعلق ناصر ناصر: “بيعملوا مسلسل بايخ كل مجموعة علي تراببزة ويحاولوا يقنعوك تمضي وفجأة تلاقيهم كلهم وقفوا صقفوا ..ليه..قال عميل مضي مع زميل جنبك
وبعدها بـ10 دقايق يقوموا يصقفوا إن في عميل تاني مضي
لحد ماتسخن وتمضي وتدفع علي أي متعرفشي.. شويه كلام ولما تحاول تقوم يتغير الولد وتقعد معاك بنت صغيرة تكمل حكاوي الأحلام وشوية كلام انجليزي .. أهم حاجة الانجليزي
المهم تمضي”.
وكتبت سناء وهبة: “أي حاجة تبع عامر جروب أهرب”، كما علق خالد شريف: “أنا حضرت السيناريو ده من حوالى ٢٠ سنة.. مسرحية سخيفة و رخيصة جدا.. و كانت الترابيزات فى عمارة فى الدور الثامن و الترابيزات بشمسية بحر وبنات لابسين قصير وبيوزعوا عصير ليمون و السوبر فيزور supervisor واحد خواجة و بتكلم إنجليزى و شكله كاسر فيزا من شرم الشيخ.. بلاش بلاش”.
