“هشتاج” يتصدر السوشيال ميديا بعد تأخر الصرف 3 أشهر..وعميد كلية الطب لا يرد
أطباء: “انضباط ونباطشيات صباحية ومسائية ولكن مفيش مرتبات من 3 شهور”
أزمة جديدة لأصحاب “البالطو الابيض”..هل تتدخل الحكومة لحل المشكلة ؟
متابعون: “خدوا الفلوس حطوها فى البنك 3 شهور مأخرين القبض عشان الفايدة اللى هتطلع من الفلوس..مرتباتنا فين؟”
تقرير- أسامة محمود
حالة غضب واستياء كبيرة بين أطباء امتياز “حديث التخرج” بجامعة المنوفية والتى أطلق عليها الدفعة 36 بعد تأخر مرتباتهم إلى مايقرب من 3 أشهر ولم يحصلوا عليها حتى الآن دون إعلان الأسباب حسب منشوراتهم على مواقع التواصل الاجتماعي، وسط استغاثات ومناشدات لوزير التعليم العالى ووزير الصحة ورئيس جامعة المنوفية بالتدخل لصرف مرتباتهم التى تأخرت منذ 3 أشهر”.
وتصدر “هشتاج” “مرتبات أطباء امتياز المنوفية فين”وسط تضامن كبير من قبل المتابعين.
وتابع أخر: تسلمنا العمل يوم 1 مارس بنظام حضور صارم التزمنا به بمنتهي الانضباط ، نظام به بصمة حضور وانصراف ونباطشيات صباحية ومسائية ، هذه واجباتنا.. ماذا عن حقوقنا ؟ ..مرتبات أطباء امتياز طب المنوفية فين”.
وكتبت إحدى المتابعات :باختصار زي مااحنا ماالمطلوب مننا نلتزم بالحضور لينا حق في الالتزام بصرف مرتباتنا في وقتها مرتبات بامتياز طب المنوفية فين”
فيما قالت طبيبة أخرى على موقع التواصل الاجتماعي “تويتر”: نحن أطباء امتياز طب المنوفية الدفعة 36 .تسلمنا العمل يوم 1 مارس بنظام حضور صارم التزمنا به بمنتهي الانضباط ، نظام به بصمة حضور وانصراف ونباطشيات صباحية ومسائية ، هذه واجباتنا.. ماذا عن حقوقنا ؟ لم يتم صرف مرتباتنا سوي مرتب شهر مارس تم صرفه ف شهر يونيو.
وحسب ماتداوله الأطباء على منصات التواصل الاجتماعى فإن وزارة المالية وضعت الأموال الخاصة بمرتبات أطباء الامتياز فى البنوك، ولكن عندما يتم الذهاب لصرف المرتبات النظام معطل غير فعال وسط تساؤلات :مين المسئول؟ مرتباتنا فين”.
فيما قال أخر : خدوا الفلوس حطوها ف البنك 3 شهور مأخرين القبض عشان يلهفوا الفايدة اللى هتطلع من الفلوس.. شافوا الموضوع مش جايب همه ف الغلا قالك بلاها يقبضوا الـ3 شهور أصلا كرشنا أولى بيهم.. فاضل ياكلوا مال اليتيم مرتبات_أطباءامتياز طب المنوفية فين، وقالت أخرى: المواصلات غليت والأكل والشرب غلوا وإحنا اتخرجنا نقول إيه لأهالينا تانى قبضونا فلوسنا فين”.
وتقول طبيبة أخرى: يعنى تعبنا وذاكرنا واشتغلنا وقالوا هيقبضونا فين الفلوس”، ومتابعة: مش كفاية بننزل من 7 الصبح لـ 7بالليل من غير وجبة الغدا اللي دافعين فلوسها”.
وعلقت أخرى: الامتياز على مستوى الجامعات قبض شهر بشهر واحنا مقبضناش غير اغول شهر من يومين ومش عارفين نقبض الباقي.
وكتبت أخرى: قالولنا هتقبضوا شهرين بشهرين قلنا ماشى قالولنا هتقبضوا شهر وبعدين تلاتة كمان كام يوم مخدناش حاجه فين فلوسنا، مشيرة إلى أن : أربع شهور ومخدناش غير شهر واحد بنحضر خمس أيام لحد ستة بالليل عايزين مرتباتنا”.
فيما كتبت أخرى: لو بتشتغل عشان تتعلم فانت مش هتتعلم أما لو بتشتغل عشان تقبض فانت مش هتقبض بردو مرتبات أطباء امتيازطبالمنوفيةفين مرتباتالدفعة36فين فلوسنا_فين.
وأثار هذا الأمر الكثير من المتابعين على منصات التواصل الاجتماعي، متسائلين كيف لطبيب فى مستشفى جامعي يتردد عليها الكثير من المرضى محدودي الدخل من القرى والمحافظات أن يقوم بعمله دون أن يتقاضى راتبه لمدة 3 أشهر؟، مطالبين الجامعة بضرورة صرف رواتب هؤلاء الأطباء لكى يمارسوا عملهم على النحو الطبيعي الذى يتوافق مع هذه المهنة الإنسانية وهى الطب.
وخلال الساعات الماضية فى محاولات عدة من “الموقع” التواصل مع عميد كلية طب المنصورة للرد على هذه الشكاوى الخاصة بأطباء امتياز المستشفى الجامعة ولكن دون استجابة من عميد الكلية حتى كتابة هذه السطور.
