كتب _ أحمد عبد العليم
قالت الفنانة عارفه عبد الرسول إنها كانت سعيدة بعد نشر صورتها بالمايوه ولكن ردود الفعل كانت صعبة بالنسبة لها.
وخلال لقائها مع برنامج “واحد من الناس” على شاشة الحياة قالت عارفة عبد الرسول “: أنا اللي طلعت صورة المايوه وكنت فرحانة بيها لكن ردود الفعل كانت صعبة.
أما عن عمرها الحقيقي قالت عارفة عبد الرسول :” انا لا اعرف تاريخ ميلادى شهر كام بالظبط لان كان عندى بنت خالى مديره مدرسه ولعبت فى شهادات ميلاد العيلة كلها علشان دخول المدارس انا مواليد سنة ٥٣، لكن مش عارفة برجى ايه.
وتابعت عارفه انها تعتذر لنفسها لتفضيلها الاخرين على حساب نفسها، مضيفة ” أنا انسانه مسرفه جدا فى حياتى وجوزى هو اللى ماسك مصروف البيت وانا باخد منه مصروف”.
وعبرت عارفة عبد الرسول عن امنيها في تقديم مسلسل اللعبة بطريقة مختلفة، قائلة :اتكلمت مع شيكو وهشام ماجد انا عاوزه اعمل مطاردة بالعجل واركب عجلة”.
وخلال اللقاء قالت الفنانة عارفه عبد الرسول إنها لم تعش طفولتها لأنها كانت تساعد والدها في العمل من سن 3 سنوات.
وأضافت عارفة عبد الرسول “:أعمامى 7 و ابويا اصغر واحد فيهم وفتح محل بقال، وكان بيوقفنى فى المحل مكانه لانه كان شاب وذواق بيروح للسينما ويسيبنى فى المحل وانا فى سن 3 سنين ومعشتش طفولتى، و اول مرة اركب ملاهى فى حياتى كان فى مسلسل اللعبة”.
وتابعت عارفة عبد الرسول “:والدي كان بيديني فى الاسبوع 25 قرش، و كنت بحوشهم واشتريت بيهم حاجات ليا، وبابا تعب من البقالة فقولت ليه نغير يا بابا نعمل محل كوافير فقال لى مش شغلانتنا ، فقولت ليه اتعلمها و فعلا روحت اشتغلت فى كوافير سنة بدون مقاب، و اشتغلت مع الفنان وحيد سيف كان بيعمل مسرحية فى الاسكندرية ، وكان فى فنانة اسمها ولاء عندها تصوير فيلم ، وقالوا لى اعملى الدور مكانها، ورجعت تانى بعد تاجيل الفيلم فالاستاذ وحيد سيف قالى خلاص بضحكتك الحلوه دى تقعدى على شباك التذاكر و فعلا قعدت ابيع تذاكر.
واستكملت عارفة عبد الرسول “أنا من مواليد حى الابراهيمية بالاسكندرية لكن اتربيت فى حى الحضره، وبابا سمانى عارفه على اسم جدتى وكنت مش بحب الاسم، وكانوا بيندهولى فى العيلة بميرفت واكتشفت بعد كده ان الاسم حلو.
