كتبت أميرة السمان
قالت الفنانة روبي إن “طموحى كان في الأول إنى اشتغل موظفة واتجوز، وأسرتنا كلها موظفين ودكاترة ومهندسين”.
وتابعت روبي: “جدى كان صعيدى وموظف في وزارة الرى، وكان ليه ثأر المفروض يروح ياخده من الصعيد فكان نفسه يخلف ولد وربنا إداله سبع بنات سبحان الله، والسبع بنات كانوا بـ100 راجل، واتعلمت منهم إنى أكون مسئولة، وأنا بشوف خالاتى ووالدتى كلمة مسئولية قليلة عليهم، وماقدرش أعتمد على حد أنا اتربيت على كدة، ولا أقول لحد عايزة حاجة”.
جاء ذلك خلال لقائها ببرنامج “معكم” للإعلامية منى الشاذلى، المذاع على قناة cbc منذ قليل
وتشارك المطربة روبى في فيلم “واحد تانى” بطولة النجم أحمد حلمى، ونسرين أمين، وعمرو عبدالجليل، سيد رجب، أحمد مالك، نور إيهاب وعدد كبير من النجوم، كما يشاركها عدد من ضيوف الشرف منهم عمرو وهبة من تأليف هيثم دبور، وإخراج محمد شاكر خضير، وإنتاج شركات سينرجى فيلمز، وماجيك بين وأفلام مصر العالمية وأوسكار، والفيلم يعيد أحمد حلمى إلى السينما بعد غياب 3 سنوات.
