منوعات

  رحمة حسن تكشف تفاصيل أزمتها مع المنتج هاني أسامة: ” معنديش شغل ولا دخل”

كتب- أحمد عبد العليم

نشرت الفنانة رحمة حسن، اليوم الثلاثاء، بوست جديد لها، على حسابها الرسمي بموقع الفيديوهات والصور “إنستجرام”.

وكتبت رحمة: “كل الاحترام والتقدير للدكتور أشرف زكى لاستجابته وسؤاله، وأحب أوضح أن الفلوس اللى ليا عند هانى أسامة المنتج هى باقى أجرى عن مسلسل سابع جار، وكان ليا جزء كبير منها، ولجأت للدكتور أشرف فى 2019 عشان يساعدنى وحصل وادانى جزء بسيط من فلوسى”.

وأضافت رحمة: “للعلم الوقت ده كان بابا تعبان وفى المستشفى وهانى أسامة كان عارف وقولتله إنى محتاجة الفلوس ورفض بعدها يدينى أى فلوس من باقى أجرى وماكانش بيرد على رسائل أو مكالمات منى للأسف بابا اتوفى بعدها بكم يوم، ومن ساعتها وأنا تعبانة ومش ناسية هو عمل معايا إيه”.

وتابعت رحمة حسن: “كان صعب عليا أطلب تانى من دكتور أشرف يتدخل لأن هانى مش بيستجيب أصلا، وأنا كنت تعبت من كتر ما بطلب حقى وهانى بيتهرب بس بين كل فترة والتانية كنت ببعتله رسالة أو أكلمه وبرضوا مفيش حاجة، كل ده بمنتهى الذوق والاحترام والرسائل موجودة معايا من 2018 كله على التليفون، وطبعا الوقت بيعدى ومعنديش شغل ولا دخل”.

https://www.instagram.com/p/CU4-nIzq6b9/?utm_medium=copy_link

مقالات ذات صلة

زر الذهاب إلى الأعلى