كتبت – أميرة السمان
استطلعت عبير أحمد، مؤسس إتحاد أمهات مصر للنهوض بالتعليم، وائتلاف أولياء أمور المدارس الخاصة، رأي الأمهات من أولياء الأمور في القرار الوزاري بشأن نظام التعليم والمقررات الدراسية وأسلوب التقييم للصف الرابع الإبتدائي
وطالبت عبير، الأمهات بأن يشاركوا برأيهن علي صفحة إتحاد أمهات مصر، في الفيسبوك، بموضوعية ودون تعصب أو تجاوز، حيث قالت ولي أمر: “صعب إننا ننقل نقله زى دي مرة واحدة عن طريق ٣ إمتحانات ومخرجات وألوان وإمتحانات بالذات إننا ال ٣ سنين اللى فاتوا مامتحناش أى حاجه ومخدناش المنهج كله وفيه مناهج ماشوفناش شكلها زى اكتشف وكونكت وكونكت بلس واحترام تلقيم، وهانتفاجىء بنظام إمتحان منعرفش عنه حاجه ولا ادربنا عليه مدرسين وطلبه وكالعادة هانبقى دفعة تجارب”.
بينما شاركت ولي أمر بتعليقها: “أسلوب التقييم ممتاز إن يكون على ٣ إمتحانات خلال الترم”، وتابعت أخري: “أنا شايفه من وجهه نظري المتواضعة إن النظام دة كويس جدا جدا، أولا هيلزم الطفل بالحضور والمعلم بالشرح وتكمله المنهج،
ثانياً هيعود الطفل على دوام المذاكرة وعدم الاستهتار بالمدرسة وتعويدهم علي نظام الإمتحانات، وربنا يوفق الجميع”.
وذكرت ولي أمر أخري: “بصراحه أنا كأم حرام بجد العيال انظلمت إن يمتحنوا وفي الآخر بردو الإمتحان علي المنهج كامل دا كدا عبء كبير جدا لو كان اللي امتحنوه خلاص يعدي من عليهم دا أحسن كتير”.
واستكملت ولي أمر: “كويس جدا وده هيلزم المدرس أنه يستكمل المنهج مع الطلبة ويشجع الولاد على المذاكرة والتنافس مع بعض”، وأضافت ولي أمر: “طبعا كويس جدا ومناسب جدا، ياريت كمان باقي السنين”.
وقالت ولي أمر: “ده عبء علي الطالب والأم وحاجه غير محتمله في الوقت والظروف دي، عاوزين تخفيف وتسهيل وتقليل مش العكس”.
وكان، اليوم، أصدر الدكتور طارق شوقي، وزير التربية والتعليم والتعليم الفني، قرارًا وزاريًا رقم 133 بتاريخ 21 سبتمبر 2021 بشأن نظام التعليم والمقررات الدراسية وأسلوب التقييم للصف الرابع من المرحلة الابتدائية للعام الدراسي 2021-2022.
