الموقعتحقيقات وتقارير

«الست الخبرة مطلوبة».. الأسرار السبعة للسعادة الزوجية.. استشاري علاقات أسرية تتحدث لـ«الموقع»

تقرير: إسلام أبوخطوة

داخل جدران المنازل حكايات البعض منها درامية والأخرى كوميدية، الكثير من السيدات والرجال كل منهم يعانون من نقص الخبرة بعض الشيء، والبعض منهم يعاني من الخجل، وقليل من الحرية، وخلال السطور التالية يرصد «الموقع» الأسرار السبعة للحياة الزوجية مع الدكتورة نادية جمال، استشاري العلاقات الأسرية.

السر الأول| الخبرة مطلوبة في العلاقة الزوجية

قالت الدكتورة نادية، إنّ «الخبرة» في العلاقة الزوجية ليست سيئة بل على كل طرف لابد أن يكون له الدراية في كيفية مغازلة الطرف الآخر.

وأضافت: «بيقدم الحب كله وكلمات المغازلة اللي بحتاجها كل طرف وبيسنيه همومه وتعب اليوم كله.. طبعا ده غير الرضى اللي بيكون في العلاقة الحميمة، وفي العادي بيفضل الراجل الخبرة الارتباط بالست الخبرة اللي تشبع رغباته والعكس».

واستكملت: «الخبرة هنا سلاح ذو حدين.. يعني زي ما هيبسطك أو هيبسطك.. ممكن يخلي حياتك جحيم لو العلاقة مفيهاش «عقل» مثلاً لو الغيرة في أحد الطرفين كانت بزيادة أوي أو مثلا ، أو انتي جيتي في فترة مقدرتيش تشبعي رغبات جوزك أو رغبات مراتك في العلاقة الحميمة هنا تحصل الكارثة. خيانة وخراب بيوت».

نصيحة لكل أم: علمي بنتك «الدردحة»

متسبيش بنتك كده عمليها «الدردحة».. بهذه الجملة استكملت الدكتورة نادية حديثها بشأن الأسرار السبعة للحياة الزوجية، وقالت إن هناك الكثير من الفتيات «الدحيحة» ظلت سنوات تذاكر من أجل الالتحاق بكلية الهندسة أو الطب، تجبرها على المذاكرة لسنوات ولا تهتم بالحياة وتفاصيلها.

نرشح لك : «الرجل الخبرة الأكثر تعاسة».. استشاري علاقات أسرية: «حاول تعلمها اللي يبسطك» «خاص»

وتابعت: «أكيد هى خام وده مش غلط.. الغلط لو انتي سبتيها كده.. الغلط لو دخلت في مرحلة الخطوبة والجواز من غير ما تنصيحها بالواجبات اللي عليها تجاه خطيبها او تجاه جوزها».

واستكملت: «كثير من حالات الطلاق اللي بتحصل علشان الراجل بيبص بره أو بيصاحب وخلافه من حورات الشات على السوشيال ميديا.. الراجل هنا بيدور على الكلمة الحلوة اللي تهون عليه يومه اللي مش لاقيه في بيته.. الراجل بيحتاج الحنان اللي في الوقت ده انتي مش حتى شايفاه بابتسامة قبل ما يخرج لشغله وبعد ما يرجع».

السر الثالث| سيبي جوزك يتنفس شوية بعيد عنك

مع الظروف الحياتية الصعبة والضغوط اليومية يحتاج الزوج لبعض من الوقت ينفرد بنفسه يلتقط أنفاسه شيئًا لكي يفرغ طاقاته السلبية سواء بالجلوس بمفرده في غرفته أو أمام التليفزيون أو بالجلوس مع أصدقائه على المقهى.. تستكمل الدكتورة حديثها لـ«الموقع»، وتشير إلى أنّ هناك علامات ودلالات تؤكد ليكي أن جلوس جوزك بمفرده ليس للاسترخاء ولكن للخيانة.

السر الرابع| إزاي تخلي جوزك خاتم في صباعك

وأشارت استشاري العلاقات الأسرية إلى أنّ قلب الرجل يكمن في شعورة بالأمان، يحب دائما شعور الأم وحنانها تكون في زوجته، كلمات بسيطة وابتسامة حلوة تستطيعي من خلالها أن تهوني عليه الهموم اليومية.

وتابعت: «جربتي تفطريه كل يوم؟.. جربتي بعد ما تصحيه من النوم ده لو مصحيش لوحده ونزل مع نفسه الشغل .. انك تفطرية وتدعيله دعوة حلوة.. شوفي كده يومه هيبقى ازاي؟»… خلي جوزك يشتاق للعودة للمنزل».

السر الخامس| كسوفك يحول حياتك جحيم

نصائح عديدة قدمتها استشاري العلاقات الأسرية بشأن السعادة الزوجية وقالت إن السر الخامس في نجاح العلاقة الأسرية ضرورة كسر حاجة الكسوف.

وقالت: «كلامي هنا للسيدات.. كسوفك يحول حياتك جحيم.. اللي عايزاه اطلبيه منه حتى على مستوى العلاقة الحميمة.. مفيهاش حاجة تطلبيها.. ولو هو اللي طلبها منك الأول بلاش كسوف وادخلي في المود ده جوزك».

السر السادس للرجال / تعمل إيه لو وقعت مع زوجة تعبد الجنيه

وتابعت: سرنا الخامس اليوم للرجال معدومي الحظ للأسف لو واحد منهم وقع مع زوجة تعبد الجنيه.. أحب أقلك أصبر.. لا تيسأس.. تعديل سلوكها وارد ليه لأ؟.

واستكملت: الراجل في الحالة دي لو مكنش صبور وحكيم خاصة لو امكانياته المادية محدودة شوية، حياته هتبقى جحيم وكمان تصل للطلاق… عيش وتعايش.. عيش معاها وارضى بما قسمه الله لك.. وتعايش معها حتى تسطيع أن تغير من سلوكياتها بعض الشيء.. السلوكيات مش الطبع لان للأسف الطبع مش بيتغير.. لكن مع تهذيب السلوك الطبع بيكون مقبول بعض الشيء.. حاول تجيب ليها هدايا من وقت للتاني.. فاجئها حتى لو بحاجات بسيطة.. المشكلة هنا «بضحكة منك» لو جاب هدية وتقوله بكام دي يعني دي رخيصة.. طبعا هنا الراجل هيعيش أسود لحظة في حياته بس معلش كبر وحاول تاني وتالت يمكن تحس».

السر السابع للرجال 5 مفاتيح للسيطرة على السيدة القوية

قالت الدكتورة نادية، إنّ سرنا السابع اليوم والأخير للرجال الذين يعانون من الحياة مع الزوجة القوية شخصيا القوية في اتخاذ القرارات، ولهذا على الرجل أن يعيد أولوياته وتفكيرة ويشعرها بقدرته على اتخاذ القرار.

مقالات ذات صلة

زر الذهاب إلى الأعلى