الموقعمنوعات

“إسقاط القائمة”.. بين غضب الشباب وفرحة البنات

كتبت أميرة السمان

انتشرت عبر السوشيال ميديا خلال الساعات الماضية، أنباء عن إسقاط “قائمة الزواج” وذلك عقب تداول تدوينة لأحد رواد موقع التواصل الإجتماعي “فيس بوك” يدعى إسلام عبدالمقصود أعلن من خلالها عن سقوط القائمة في مصر ، مما فجر تلك المنشور حالة من السخرية وأخرى غضب بين نشطاء “الفيس بوك”

وكان منشور إسلام تضمن الأتي: “ألف مبروك يا رجالة القائمة سقطت في مصر” وانتشرت العديد من المنشورات والتعليقات المختلفة حول حقيقة إلغاء القائمة الزوجية وهل حقا ستخفف على العريس الالتزامات المادية أم أنها ستكون أكبر لأنه سيتحمل عند إلغاء القايمة نفقة كل تجهيزات العروسة من أجهزة كهربائية وأدوات المطبخ وحتى ملابسها ومتعلقاتها الشخصية، فيما رأها البعض أنها ضمانة لحق العروس، دون المغالاة فى هذا الحق وتحميل العريس أكثر من طاقته وما ينبغى وكتابة كل ما تم شراؤه فقط، كما أشاروا أنه حق شرعى اقرته الأديان، وجاءت التعليقات كالأتي:

سخرت مريم الحديدي من منشور إسقاط القائمة الزوجية قائلة: “مافيش وقت لتفسير رايحه اشتري بفلوس جهازي عربيه “.

وتابعت سلمى سمير: “انا عايزه بقا التلاجه ام ٦٠ الف ال ابويا كان هيجيبهالي والنيش ال ملوش لازمه دا عايزااااه ، يلا بقا. عشان تفرحو اوي”

نرشح لك: خبير لـ «الموقع» :لم يتم إلغاء «قايمة الزواج» حتى الآن

قالت مديحة عبد الواحد أحد رواد الفيس بوك “معلش يا جماعه قبل ما الرجا.له تفرح ب الموضوع دا هل حضرتك مدرك أن إسقاط القايمه معناه أن العروسه هتروح بيتك ب شنطه هدومها فقط ( اللي انت هتكون مشتريها برضوا لأنها عليك ) مدرك انك بدل ما هتجيب شقه وخشب بس لا هتجيب شقه وخشب وأجهزة وفرش ومطبخ ومستلزمات المطبخ من الالف للياء وخود بس عندك طالما بتطبق شرع الله يبقي اكيد هتدفعلها مهرها في ايديها كمان انت واعي ! الرجاله ال فرحانين انتو واعيين للحوار ده ولا انتو شاربين حاجه!؟ يعني انت كا شاب مصري دخلك ١٥٠٠/٢٠٠٠ جنيه ف الشهر ويوم ما تقول دا انا باخد مرتب كبير بيكون من ٢٠٠٠ ل٣٥٠٠ .. هتعرف تعمل كل دا من المرتب دا ؟!!!!! قبل ما نفرح نفكر يا جماعه والقايمه اللي مزعلاكم دي شايله عنكم بلاوي كتير ده لو التريند ده حقيقي وانتو كمان فرحانين بيه ف الله يعينكو علي المهلبيه ال في دماغكو.. وال بيقول مش مهم بدل ما تبهدلني في محكمه الأسرة وتاخد ال ورايا وال قدامي طب ايه ال هيوصلكو لمحكمه الأسرة لو انت راجل محترم وسوي نفسيا وهيا ست محترمه وسويه نفسيا!؟ ومن موقعي هذا مفيش الهجص ده اكيد الحوار fake يعني.. وذلك حسب تعبيرها

وتابعت إسراء زيدان: “مش اي حاجة تقرأها على فيسبوك بدون مصدر تجري وراها.. مش عيب بقى؟ تبقي كبير وعاقل كدا ولسه مش عارف تفرق بين الصح والغلط اعتقد بقالك كتير في السوشيال ميديا ولسه بتعتمد ان الفيسبوك مصدر معلومة؟ #مفيشقايمةاتلغت، ولا في مشروع قرار لدا اصلا ولا هيبقى في……. ولو انت كراجل شايف ان دا صح يبقى انت لا مؤاخذة … ما علينا دي كانت تدوينة لواحد اسمه #إسلامعبدالمقصود عبر حسابه الشخصي يقول فيها: “ألف مبروك يا رجالة #القايمةسقطت في مصر”هوبا الزيطة زادت وهوبا القومة قامت، وان حد يقولك في مصدر؟ يسال طيب عن مصدر#مفيشقايمةاتلغت ولا في قايمة هتتلغي هو مجرد تقنين لاوضاع القايمه ف مصر طريقه المطالبه بيها طريقه اثباتها طريقه توثيقها طريقه حفظ حقوق الطرفين فبلاش تنقل ما هو غير صحيح حتى تحدث بلبلة.وبعدين الشباب دي غبيه اوي…. انتو فرحانين وانتو لا فاهمين اي حاجه يا اغبيه قال مبروك لرجاله مصر #القايمه_سقطت دي.. انتو فاكرين بقا انها سقطت واحنا برضو هنجيب نفس الحاجات بدون #قايمه! .. د انتو غلابه اوي مش هنجيب قشايه ف الشقه وحضرتك هتجهز كل حاجه.. مفيش واحده عاقله هتجهز اكتر من نص الشقه من غير قايمه.. امضيلها ع وصولات بقا.. ف سقوط القايمه معناه انها هتجيلك بشنطه هدومها ال انت برضو هتكون جايبهالها ي غبي ي غبي المفروض الرجاله اول ناس تتصدى لقانون زى دا لو انطرح اصلا “.. وذلك حسب ما قالت.

وأضافت مروة صقر “الفيس كله مقلوب علي كلمة مبروك يا رجالة القايمة سقطت…. ولما انت راجل وحلو اوي كده جهز بيتك انت من فلوسك مهو كله في بيتك.. او يبقي فيه مهر مثلا وتأكد انك هتكتب مؤخر بثمن القايمة ده غير وصل امانة مثلا خليك راجل محترم وجهز شقتك.. ألف مبروك للبنات.. القايمة سقطت في مصر! هو كدة الموضوع بقا شرعًا.. البنات مش هتجيب قشاية في جهازها، والشقة والجهاز على الراجل وكدة كدة المهر أساسي”.

مقالات ذات صلة

زر الذهاب إلى الأعلى
Ad
Ad