أخبارالموقع

” أنا اطحن نفسي و مكلش ومنامش ولا حد يغلبني أبداً” .. رسالة السيسي لعسكري مرور خلال جولته بالعلمين الجديدة

وجه الرئيس عبدالفتاح السيسي ، رسالة الي عسكري بمرور مطروح يدعي أيمن ٢٩ سنة وذلك خلال جولته فجر اليوم بالدراجة .. قائلا : اطحن نفسك و متاكلش و متنامش ولا تخلي حد يغلبك أبدًا ، ودار حوار بين الرئيس السيسي وعسكري المرور خلال سيرهما بالدراجة قائلا : بتشتغل ايه يا أيمن .. فرد عليه الشاب : عندي مكتبة مأجرها ب٣٠٠ جنيه .. والمكتبة دى علي القد وفيه ناس جنبي كبار .. ورد عليه الرئيس السيسي : أنت لسه صغير وان شاء الله تخلص الجيش في شهر أبريل اللي جاي ، وسأله السيسي : لو المكتبة اللي عندك دي عايز تاخد واحدة أكبر منها تبقي بكام في الشهر ؟ .

فرد عليه الشاب : هيبقي ايجارها بـ ٣ آلاف جنيه فالشهر ياريس بس هتبقي في مكان كويس وتكسب أكتر لان المكتبة اللي انا واخدها دلوقتي دي ب٣٠٠ جنيه في الشهر والناس الكبار اللي جنبي مبيخلوش الصغير يكبر ، ليرد عليه الرئيس السيسي : عيب هزعل منك وأقولك أنا اطحن نفسي ومكلوش ومنمش ولا حد يغلبني أبداً وأبقي جامد وقوي .

وتابع السيسي : هو الشاب الصغير أكل و شرب بس لا دا تعليم و تواصل و اكل و شرب عشان يطلع متربى كويس ازاى تقدر توصل دا عشان متقولش الظروف صعبة.

وخلال حوار السيسي والشاب تعرف منه أن أصوله من محافظة المنوفية بمركز أشمون حيث طلب منه الشاب وظيفة مستقرة عقب خروجه من الجيش .. وسأله السيسي قائلاً : خليك دوغري يا أيمن المنايفة دول أنا عارفهم كويس خاصة بتوع أشمون وقولي عايز إيه .. ليرد الشاب ضاحكاً علي الرئيس قائلاً : أنا والدي من المنوفية ومولود هناك بس انا مولود في العامرية بالإسكندرية.

نرشح لك

السيسي لعسكري مرور من المنوفية: خليك دوغري «المنايفة» دول أنا عارفهم كويس خاصة بتوع «أشمون»

نرشح لك

الرئيس السيسي يتجول بالدراجة في شوارع العلمين الجديدة.. ويحث المواطنين على العمل والاجتهاد.. فيديو خاص «الموقع»

نرشح لك

 ألبوم صور ..الرئيس السيسي يتجول بالدراجة في شوارع العلمين الجديدة.. ويحث المواطنين علي العمل والاجتهاد.. فيديو خاص «الموقع»

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
Ad
Ad