فن وثقافة

أميرة هاني تروي تفاصيل جديدة في واقعة تعدي سائق شركة نقل خاصة عليها

كتبت أميرة السمان

كشفت الفنانة أميرة هاني عن تعرضها للإهانة من جانب سائق شركة أوبر، مساء أمس الثلاثاء، بعد أن تطاول عليها لمجرد سؤالها له على شات التطبيق عن الوقت المتبقي للوصول إليها.

وأوضحت هاني، قائلة: «أنا مبقحمش حياتي الخاصة أو مشاكلي الخاصة على السوشيال ميديا، لكن الراجل ده استفزني لدرجة كبيرة».

وأضافت قائلة: «إحنا عندنا ست بتساعدنا في أعمال البيت، وكل أسبوع بطلب لها أوبر بيجي ياخدها مشوار 10 دقائق وبياخد 50 جنيه، وبيوصلها لحتة تقدر تركب منها مواصلات، امبارح كان يوم غريب على الابلكيشن بتاع أوبر نفسه، لكني فوجئت أنه بيكنسل الرحلات، وفي واحد قبل الراجل ده قالي أنا تحت وأنا شايفاه على الـ GPS أنه مش تحت، وكلمته قالي كلام غريب ولغى الرحلة وعمل غرامة عليا».

وأشارت الفنانة قائلة: «وعملت رحلة بعدها وكانت مدياني 10 دقائق ويبقى عندي، وكلمته على الشات حضرتك إحنا عند بوابة كذا، حضرتك فين؟، مردش فطلبت منه إلغاء الرحلة أنت بقالك 10 دقائق في مكانك مابتتحركش، فهو قرر أنه يتطاول عليا ويهزقني، بعد 20 دقيقة والست واقفة».

وقالت، أنها تقدمت بشكوى لشركة أوبر بعد حدوث الواقعة مساء أمس الثلاثاء، وقام أحد الموظفين بالمتابعة معها صباح اليوم الأربعاء، وطلب منها اخباره بما حدث من السائق، قائلة: «كلمني النهاردة الصبح، واحد من الشركة وقالي قوليلنا ايه اللي حصل بالظبط، فبعتله اسكرين شوت لأني مش محتاجة أحكي اللي حصل مردوش بقى».

وطالبت هاني في نهاية المداخلة التليفونية، من شركة أوبر أن تجري اختبار مخدرات للسائقين المنضمين لها، واختبار أخلاقهم أيضًا، جاء ذلك في مداخلة هاتفية، مع الإعلامية نهال طايل ببرنامج تفاصيل، المذاع عبر قناة صدى البلد 2، مساء اليوم الأربعاء.

مقالات ذات صلة

زر الذهاب إلى الأعلى